شہنشاہ غزل مہدی حسن

ممبئی ، 12 جون (یو این آئی) مہدی حسن نے اردو غزلوں کو اپنی طلسماتی صدابندی کے ذریعے دنیائے موسیقی میں جو مقام عطا کیا، وہ رہتی دنیا تک یاد کیا جائے گا۔ روح کو تازگی عطا کرنے والی ان کی آواز ہمیشہ زندہ و جاوید رہے گی۔

غزلوں کو نغمگی اور دوام بخشنے میں



مہدی حسن کا کوئی ثانی نہیں۔ وہ ایسے فن کار تھے جن کی مترنم آواز ، اسلوب اور موسیقی کی صداقت ہر خاص و عام پر اثر انداز ہوتی ہے۔ دنیائے غزل کے اس شہرہ آفاق گلوکار نے جتنی بھی غزلیں گائیں، وہ شاہکار بن گئیں۔

آج جب وہ اس دنیا میں نہیں رہے ، دنیائے غزل میں ایک خلا پیدا ہو گیا۔