عالیہ بھٹ کی سالگرہ کے موقع پر فلم 'برہماستر' کا فرسٹ لک ریلیز

ممبئی، 15 مارچ (یو این آئی) بالی ووڈ اداکارہ عالیہ بھٹ کی سالگرہ کے موقع پر ان کی آنے والی فلم ’’برہماستر‘‘ کا پہلا لک ریلیز کردیا گیا ہے آج عالیہ بھٹ کی سالگرہ ہے عالیہ کی سالگرہ پر مداحوں کوایک شاندار تحفہ ملا ہے  فلم 'برہماستر' سے عالیہ کا لُک ریلیز کر دیا گیا ہے عالیہ اس فلم میں رنبیر کپور کے مدمقابل نظر آئیں گی عالیہ نے پہلا لک سوشل میڈیا پر شیئر کیا ہے 'برہماستر ' کے ہدایت کار آیان مکھرجی نے عالیہ بھٹ کو سالگرہ کی مبارکباد دیتے ہوئے انسٹاگرام پر فلم سے ان کے لک کی ایک ویڈیو شیئر کی ہے ۔

اس ویڈیو میں پانی کا ایک قطرہ گرتا ہوا نظر آرہا ہے جو سیدھا عالیہ کے



چہرے پر گرتا ہے۔

کبھی ہاتھ جوڑتے ہوئے تو کبھی مسکراتے ہوئے، ان کی کئی جھلکیاں ہیں ۔

وہ آسمان کی جانب کسی چیز کو دیکھ کر بے تحاشا بھاگ رہی ہیں۔

رنبیر کے ساتھ آگ کئ شعلوں کے درمیان پھنسی ہوئی ہیں۔

'برہماستر' کے پروڈیوسر کرن جوہر نے بھی عالیہ کا فرسٹ لک سوشل میڈیا پر شیئر کیا اور ساتھ ہی ایک جذباتی نوٹ بھی لکھا۔

انہوں نے بتایا کہ وہ عالیہ کے ٹیلنٹ اور بطور اداکار بہت احترام کرتے ہیں۔

انہوں نے لکھا ’’ دس سال پہلے میں نہیں جانتا تھا کہ میں تمہیں میری برہماستر کہوں گا۔

میرے پیار کا ہتھیار ۔

میں ہمیشہ تمہیں پیار کرتا ہوں‘‘۔