مشہور اداکار اجیت نے سخت محنت سے بالی ووڈ میں اپنی شناخت بنائی

ممبئی،21اکتوبر(یواین آئی)بالی ووڈ میں اپنی مخصوص اداکاری کے فن اور مکالموں کی منفرد ادائیگی کے دم مشہور ہوئے اداکار ابھیجیت کو بالی ووڈ میں ایک مقام حاصل کرنےکےلئے سخت محنت سے گزرنا پڑا ۔ ان کے لئے کامیابی پانے کا راستہ بالکل بھی آسان نہیں رہا۔

گولکنڈا میں 27جنوری 1922 کو پیداہوئے حامد علی خان عرف اجیت کو بچپن سے ہی اداکاری کا بےحد شوق تھا۔ ان کے والد بشیر علی خان حیدرآباد میں نظام کی فوج میں ملازم تھے۔ اجیت نے اپنی ابتدائی تعلیم آندھراپردیش کے وارانگل ضلع سے مکمل کی۔

40کی دہائی میں انہوں نے اداکاربننے کےلئے فلم انڈسٹری کا رخ کیا اور اپنے فلمی کریئر کی شروعات سال 1946میں ریلیز ہوئی فلم ’شاہ مصر‘ سے کی۔

سال 1946 سے 1956تک اجیت فلم انڈسٹری میں اپنی جگہ بنانے کےلئے جدوجہد کرتے رہے۔ سال 1950 میں ہدایت



کار کے امرناتھ نے انہیں صلاح دی کہ وہ اپنا نام فلموں کےلئے چھوٹا کرلیں اور ان کی صلاح پر عمل کرتے ہوئے انہوں نے اپنا نام فلموں کےلئے حامد علی خان کی جگہ اجیت رکھ لیا اور کے امرناتھ کی ہدایت میں بنی فلم ’بے قصور‘ میں بطور ویلین کام کیا۔

سال 1957میں بی آر چوپڑا کی فلم ’نیا دور‘ میں وہ گاؤں کے ایک کسان کے کردار میں نظر آئے۔ اس فلم میں ان کی اداکاری اور منفی رنگ لئے ان کے کردار کی بے حد تعریف ہوئی ۔ جہاں ایک طرف عظیم اداکار دلیپ کمار پر پوری فلم مرکوز تھی وہیں دلیپ کمار جیسے زبردست اداکار کے سامنے اپنی اداکاری کے دم پرٹکنا بہت بڑی بات تھی اور ان کی اداکاری کے اسی جوہر نے انہیں اس فلم سے کامیابی کی منزل تک پہنچانے میں بےحد مدد کی۔

نیا دور کے بعد ہی اجیت نے یہ طے کیا کہ وہ اب فلموں میں منفی کردار ادا کرکے اپنے فن کا مظاہرہ کریں گے۔