مشہور اداکارہ نغمہ 45 برس کی ہوگئیں

ممبئی، 25 دسمبر (یو این آئی) بالی وڈ اور بھوجپوری فلموں کی مشہور اداکارہ نغمہ 45 برس کی ہوگیئں۔ نغمہ جن کا حقیقی نام نندیتا مرارجی ہے، کی پیدائش 25 دسمبر 1974 کو ممبئی میں ہوئی ۔

انہوں نے اپنے کیرئیر کا آغاز 1990 میں ریلیز فلم ’باغی‘ سے کیا ۔ اس فلم میں نغمہ کے ساتھ بطور ہیرو سلمان خان تھے حالانکہ یہ فلم باکس آفس پر کوئی خاص کمال نہیں دکھا سکی لیکن فلم کی موسیقی اور نغموں کو شائقین نے بہت پسند کیا ۔ سال 1992 میں فیروز خان کے بینر تلے بنی فلم ’یلغارُ میں



نغمہ کو سنجے دت کے اپوزٹ کام کرنے کا موقع ملا لیکن بدقسمتی سے یہ فلم بھی ناکام رہی۔ 1994 میں آئی فلم ’سہاگ‘ نغمہ کے کیریئر کی پہلی ہٹ فلم ثابت ہوئی ۔ اس فلم میں اکشے کمار کے ساتھ ان کی جوڑی کو کافی پسند کیا گیا۔

اسی درمیان نغمہ نے ہندی کے علاوہ بھوجپور، تمل، تیلگو، ملیالم، کنڑ، مراٹھی اور پنجابی فلموں میں کام کیا۔ سال 2007 کے بعد وہ فلم انڈسٹری کو الوداع کہہ کرسیاست میں سرگرم ہوگئیں تھیں ۔ نغمہ ایک مرتبہ پھر فلمی دنیا میں کم بیک کرنا چاہتی ہیں۔