سنجے لیلا بھنسالی کے ساتھ کام کرنے کا خواب پورا ہوا: عالیہ بھٹ

ممبئی، 17 فروری (یو این آئی) بالی ووڈ اداکارہ عالیہ بھٹ کا کہنا ہے کہ فلمساز سنجے لیلا بھنسالی کے ساتھ کام کرنے سے ان کا خواب پورا ہو گیا ہے۔

سنجے لیلا بھنسالی کی فلم’ گنگوبائی کاٹھیاواڑی‘ میں عالیہ بھٹ مرکزی کردار میں ہیں۔

عالیہ اس فلم میں گنگوبائی کاٹھیاوادی کے کردار میں نظر آئیں گی۔

عالیہ بھٹ کا کہنا تھا کہ “سنجے لیلا بھنسالی کی ہیروئن بننا میرا خواب



تھا،میں گنگوبائی کے کئی جذباتی مناظر میں ذاتی طور پر جذباتی ہو ئی ہوں، میرے لیے سب سے اہم بات یہ تھی کہ مجھے سنجے سر کے ساتھ کام کرنا تھا۔

میں ہمیشہ سے چاہتی تھی کہ میں ان کی فلم کی ہیروئن بنوں اور وہ مجھے ڈائریکٹ کریں۔

اس کے ساتھ ہی مجھے نئی کہانی بھی ملی۔

گنگوبائی کے کردار کو جس طرح دکھایا گیا ہے۔

مجھے ایسا لگتا ہے کہ اسکرین پر ایسے کردار کو دکھائے ہوئے کافی وقت گزر چکا ہے۔