کک2 کی پیش کش نہیں کی گئی:دشا پٹانی

ممبئی،8مئی(ایجنسی)اداکارہ دشاپٹانی کا کہنا ہے کہ انہیں کک2 کی پیش کش نہیں کی گئی ہے۔ ساجد ناڈیاوالا نے سلمان خان اور جیکولین فرنانڈس کو لے کر سپرہٹ فلم کک بنائی تھی۔ ساجد اب سلمان کولے کر کک2 بنانے والے ہیں۔ دشا ان دنوں سلمان کے ساتھ فلم بھارت میں کام کررہی ہیں۔ ایسا کہا جارہا ہے کہ دشا ،سلمان کے ساتھ کک2 میں بھی کام کرتی نظر آسکتی ہیں۔  دشا سے جب اس بارے میں پوچھا گیا تو انہوں نے



ان خبروں کو خارج کردیا اور کہا کہ انہیں کک2 کی پیش کش نہیں کی گئی ہے۔ حالانکہ دشا دل سے چاہتی ہیں کہ انہیں سلمان کے ساتھ کک2 میں کام کرنے کا موقع ملے۔

فی الحال تو وہ بھارت کےلئے ہی پرجوش ہیں۔ اس فلم میں سلمان کے ساتھ کام کرنا ان کے لئے خواب کا پورا ہونے جیسا ہے۔ پانچ جون کو ریلیز ہونے والی فلم ’بھارت‘ میں سلمان اور دشا کے علاوہ کٹرینہ کیف ،جیکی شراف اور تبو بھی اہم کردار میں ہیں۔