دیپیکا فلم ’اروندھتی ‘ کی ریمیک میں کام کریں گی

ممبئی،4نومبر(یواین آئی)مشہوراداکارہ دیپیکا پدوکون سپرہٹ تیلگو ہاررفلم ’اروندھتی‘ کی ریمیک میں کام کرسکتی ہیں۔

دیپیکا پدوکون نے سال 2018 میں ریلیز فلم پدماوت کے بعد لمبے وقت تک کوئی پروجیکٹ سائن نہیں کیا۔ بعد میں انہوں نے فلم چھپاک کا اعلان کیا۔ اسی دوران ان کی فلم مہابھارت کا بھی اعلان کردیاگیا۔

ایسی خبریں ہیں کہ دیپیکا نے ایک اور فلم سائن کرلی ہے یہ ایک ہارر فلم ہوگی۔

 دیپیکا پہلی بار کسی ہارر



فلم میں کام کرتی نظر آئیں گی۔ یہ فلم انوشکا شیٹی کی تیلگو زبان میں بنی فلم اروندھتی کا ہندی ریمیک ہوگی۔

فلم کی کہانی ایک ایسی لڑکی کے بارے میں ہے جو زندگی میں پہلی بار جب اپنی جائے پیدائش پر جاتی ہے تو اسے احساس ہوتا ہے کہ وہ کافی حد تک اپنی پردادی کی طرح نظر آتی ہے۔ اس کے بعد وہ کالے جادو اور جادوٹونے کی اس دنیا میں قدم رکتھی ہے۔ کہاجارہا ہے کہ فلم کی ہندی ریمیک کے حقوق خرید لئے گئے ہیں اور دیپیکا پدوکون اس فلم میں مرکزی کردار ادا کریں گی۔