ٹی وی شو سی آئی ڈی کے ایکٹر فریڈریکس عرف دنیش پھڈنس نہیں رہے

ممبئی، 5 ڈسمبر (ذرائع) مشہور کرائم شو 'سی آئی ڈی' میں فریڈرکس کا کردار ادا کرنے والے اداکار دنیش پھڈنس کا کل رات یعنی 4 دسمبر کو دیہانت ہوگیا۔ زندگی اور موت کی جنگ  لڑنے والے اداکار کا کل رات تقریباً 12 بجے دیہانت ہوگیا۔

انہیں ممبئی کے تونگا ہاسپٹل میں داخل کرایا گیا تھا۔ ان کی آخری رسومات آج 5 دسمبر کو ادا کی گئی اور سب سے طویل چلنے والے شو 'سی آئی ڈی' کی پوری اسٹار کاسٹ ان کے گھر پہنچی- میڈیا رپورٹس کے مطابق دنیش کی حالت تشویشناک تھی اور وہ وینٹیلیٹر پر تھے۔

اداکار



جگر کے مرض میں مبتلا تھے۔ اس سے قبل یہ خبریں آئی تھیں کہ اداکار کو دل کا دورہ پڑا ہے جسے دیانند شیٹی نے مسترد کرتے ہوئے کہا تھا کہ ان کے جگر کو نقصان پہنچا ہے۔  ان کے قریبی دوست دیانند شیٹی نے 'ای ٹائمز' سے بات کی اور کہا، 'ہاں، یہ سچ ہے کہ وہ نہیں رہے ہیں۔ ان کی آخری رسومات آج ادا کی گی۔

انہوں نے 1998 سے 2018 تک شو میں کام کیا اور دیگر اداکاروں کی طرح بچوں میں بھی بہت مشہور تھے۔

ان کے پسماندگان میں ان کی بیوی نینا اور ایک چھوٹی بیٹی تنو ہے۔ شو میں دنیش فڈنس کو فریڈرکس کے نام سے جانا جاتا ہے۔