لفظ ’کے‘ سے فلم بنانا خوش قسمتی سمجھتے ہیں راکیش روشن

ممبئی، 5 ستمبر (یو این آئی) بالی وڈ میں راکیش روشن کا نام ایک ایسے فلمساز کے طور پر شمار کیا جاتا ہے جو اپنی تخلیق کردہ فلموں سے کئی دہائیوں سے بھی زائد عرصہ سے ناظرین کو مسحور کررہے ہیں ۔

راکیش روشن کی پیدائش چھ ستمبر 1949ممبئی میں ہوئی ، ان کے والد روشن فلم انڈسٹری کے مشہور موسیقار تھے۔  انہوں نے اپنی فلمی کیرئیر کا آغاز 1970 میں فلم گھر گھر کی کہانی سے کیا تھا۔ بطور ہیرو 1971میں ریلیز فلم ’پرایا دھن ‘ ان کی پہلی فلم تھی جو سپرہٹ رہی۔ بعدازاں انہوں کئی فلموں



میں کام کیا لیکن کوئی خاص کامیابی نہیں ملی۔

اداکاری کے شعبے میں متوقع کامیابی حاصل نہیں کرپانے کے بعد راکیش روشن نے 1980 میں فلم ’آپ کے دیوانے‘ کے ذریعے فلم سازی کے میدان میں قدم رکھا ۔

اس کے بعد 1982 میں انہوں نے فلم کام چور بنائی ۔

انہوں نے ان دونوں فلموں میں اداکاری بھی کی۔

کے وشوناتھ کی ہدایت میں بنی اس فلم کے سپرہٹ ہونے کے بعد انہیں ایسا محسوس ہوا کہ لفظ ’کے‘ ان کے لئے باعث خوش قسمتی ہے اور انہوں نے اپنی آئندہ سبھی فلموں کے نام ’کے‘ سے رکھنے شروع کردیئے۔