پراچی ڈیسائی 31 برس کی ہوگیئں

ممبئی، 12 ستمبر (یو این آئی) بالی ووڈ کی معروف اداکارہ پراچی ڈیسائی آج 31 برس کی ہو گئی ہیں۔

پراچی ڈیسائی کی پیدائش 12 ستمبر 1988 میں گجرات کے سورت میں ہوئی ۔ انہوں نے اپنے کیرئیر کا آغاز ٹی وی کے مشہور ڈرامہ ’’قسم سے‘‘ کیا۔ اس کے بعد انہوں نے ڈانسنگ ریئلٹی شو ’جھلک دکھلا جا سیزن ۔ 2‘‘ میں حصہ لیا اور سرفہرست رہیں۔

انہوں نے فلمی دنیا میں بطور اداکارہ اپنے کیرئیر کی شروعات 2008 میں ریلیز فلم



”راک آن “ سے کی جو باکس آفس پر سپرہٹ ثابت ہوئی اور اس فلم کے لئے انہیں سرفہرست ڈیبو کے فلم فیئر ایوارڈ کے لئے نامزد کیا گیا۔ اس کے بعد میں انہوں نے ’’ونس اپون اے ٹائم ان ممبئی” اور ’’بول بچن‘‘ جیسی سپرہٹ فلموں میں اپنی اداکاری کے جوہر دکھائے۔

 سال 2013 میں پراچی کی فلم ’پولیس گیری‘ ریلیز ہوئی جو کوئی خاص کمال نہیں دکھاسکی۔ 2016 میں فلم راک آن ۔ 2 اور اظہر جیسی فلمیں منظرعام پر آئیں جنہیں باکس آفس پر اوسط کامیابی حاصل ہوئی۔