برتھ ڈے اسپیشل: ہیرو سے زیادہ لیتے تھے فیس ،بننا چاہتے تھے فوٹوگرافر

نئی دہلی/12فروری(ایجنسی) بالی ووڈ میں کئی بار کھل نائیک بنے نظر آئے ایکٹر پران کی پیدائش آج یعنی 12 فروری کے دن ہوئی تھی، ان کی پیدائش 1920 میں پنجابی خاندان میں ہوا تھا، انہوں نے اپنی فلمی کیریئر میں350 سے زیادہ فلموں میں کام کیا ہے اور وہ 6 دہائیوں تک فلم انڈسٹری میں سرگرم رہے، ایک دور ایسا تھا جب وہ ہیرو سے زیادہ فیس لیا کرتے تھے، انہیں فلم فیئر ، دادا صاحب پھالکے ایوارڈ سمیت کئی ایوارڈ سے اعزاز نوازا گیا، بطور اداکار تو پران کو کئی لوگ جانتے ہیں لیکن وہ ایک اچھے انسان بھی تھے.

بتا دیں، فلموں میں کام کرنے سے



پہلے پران ایک فوٹو گرافر بننا چاہتے تھے اور اس لیے انہوں نے دہلی کی ایک فوٹو گرافی کمپنی کے ساتھ بھی کام کیا تھا. حالانکہ ، شاید اس وقت پران نے یہ نہیں سوچا تھا کہ وہ بالی ووڈ کے کھل نائیک بن جائیں گے، ہندوستان اور پاکستان کے بٹوارے سے پہلے پران نے 1941 کے بیچ کئی فلموں میں کام کیا لیکن بٹوارے کے بعد انکا کام بھی متاثر ہوا انہیں انڈسٹری سے کچھ وقت کے لیے بریک لینا پڑا، بٹوارے کے بعد پران ممبئی آگئے تھے جہاں کافی وقت کے بعد فلموں میں کام نہ ملنے کی وجہ سے انہیں ایک ہوٹل میں کام کرنا پڑا تھا.

پران کا انتقال 12 جولائی 2013 کو ممبئی میں ہوا-