کٹرینہ، سلمان کے ساتھ بگ باس کی میزبانی کریں گی

ممبئی،31مئی(ایجنسی)مشہور اداکارہ کٹرینہ کیف ،سلمان خان کے ساتھ بگ باس کے سیزن 13کی میزبانی کرسکتی ہیں۔ چھوٹے پردے کا مشہور ریالٹی شو بگ باس کا سیزن 13 شروع ہونے والا ہے۔ اس ٹی وی شو کی تیاریاں شروع ہوگئی ہیں۔ شو کی میزبانی کرنے والے سلمان خان اس بار کئی تبدیلی کرنے والے ہیں۔

سلمان کے اس ٹی وی شو میں پہلے ایک عام آدمی بھی حصہ لیتا تھا ،اب خبریں ہیں کہ یہ کانسپٹ ختم کیا جائےگا۔ اس ٹی وی شو سے جڑی ایک نئی خبر سامنے آئی ہے۔ ایسی خبریں ہیں کہ اس بار سلمان اس ٹی وی شو کی میزبانی اکیلے نہیں کریں گے۔ بتایا جارہا ہے



کہ اس بار سلمان خان اس ٹی وی شو میں بڑی تبدیلی کرنے کی تیاری میں ہیں۔ کہا جارہا ہے کہ سلمان کو محسوس ہوا کہ اس ٹی وی شو میں نیا پن لانے کےلئے تبدیلی ضرورت ہے اور شوکے میکرس کو شو میں ایک خاتون میزبان بھی رکھنی چاہئے۔ اب تک کچھ طے نہیں ہے لیکن اس بارے میں بحث شروع ہوگئی ہے۔ سلمان خان ’بگ باس 13‘ میں ایک خاتون میزبان کے ساتھ میزبانی کرنے کی بات کررہے ہیں تو ایسا لگتا ہے کہ کٹرینہ کیف سے اچھا اور کون ہوگا،تو اگر کٹرینہ ،سلمان کے ساتھ آتی ہیں تو دیکھنا کافی دلچسپ ہوگا۔ سلمان اور کٹرینہ کی جوڑی والی فلم ’بھارت‘ 5جون کو ریلیز ہوگی۔