میں اور سلمان اپنے کام کو سنجیدگی سے لیتے ہیں:کٹرینہ

ممبئی،26اپریل(ایجنسی)مشہور اداکارہ کٹرینہ کیف کا کہنا ہے کہ وہ اور سلمان خان کا م کو ہمیشہ سنجیدگی سے لیتے ہیں۔

کٹرینہ ان دنوں سلمان کے ساتھ فلم بھارت میں کام کررہی ہیں۔ فلم کا ٹریلر جاری کیا جاچکا ہے جسے لوگوں نے کافی پسند کیا ہے۔ اس سے پہلے بھی سلمان اور کٹرینہ نےکئی فلمیں ساتھ کی ہیں جو باکس آفس پر سپرہٹ ثابت ہوئی۔کٹرینہ نے کہا،’’ہم دونوں کام کی اہمیت سمجھتے ہیں او رکبھی بھی اسے ہلکے میں نہیں لیتے۔ ‘‘

انہوں نے کہا،’’جب میں اور سلمان ساتھ کام کرتے ہیں تو ہماری سب سے اچھی بات



یہ ہوتی ہے کہ ہم کام کی اہمیت کو سمجھتے ہیں۔کام کو ہمیشہ سنجیدگی سے لیتے ہیں۔کام کے دوران ’دیکھتے ہیں‘والی صورت حال کبھی نہیں آتی۔ سلمان جانتے ہیں کہ میں کردار اور فلم کے سلسلے میں اپنا ایک ہزار فیصد دیتی ہوں۔ اس بات کےسلسلے میں انہیں مجھ پر پورا بھروسہ رہتا ہے۔ ہم سیٹ پر آتے ہیں پہلے رہرسل اور پھر اپنے سین کرتے ہیں۔

اس طرح ہم ساتھ میں اچھا کام کرتےہیں۔

اس دوران ہم کسی بھی کام کو کرنے میں کوئی لاپرواہی نہیں برتتے اور نہ ہی کسی کام کو آسان سمجھتے ہیں۔ جب ہم کام پر آتے ہیں تو اس دوران ہمارا ایک ہی نظریہ ہوتا ہے۔