اپنی مزاحیہ اداکاری سے ماحول کو خوشگوار بنادیا کرتے تھے بھگوان دادا

ممبئی، 3 فروری (یو این آئی) فلمی دنیا میں بھگوان دادا کے نام سے مشہور، جن کا اصلی نام بھگوان ابھا جی پلوو تھا، خوش مزاج شخصیت کے مالک تھے کہ جہاں بھی موجود ہوتے وہاں کے ماحول کو خوشگوار بنادیا کرتے تھے ہنسنے ہنسانے کا فن انہوں نے اپنی اداکاری میں خوب بکھیرا۔

ان کا یہ انداز آج بھی ان کےمداحوں کی یادوں میں تروتازہ رکھتا ہے بھگوان دادا کی پیدائش سال 1913 میں ممبئی میں ایک متوسط طبقے میں ہوئی تھی۔

ا ن کے والد ایک فیکٹری میں کام کیا کرتے تھے۔

بچپن سے ہی بھگوان دادا کا رجحان فلموں کی جانب تھا اور وہ ایک اداکار بننا چاہتے تھے۔

اپنے ابتدائی دور میں بھگوان دادا نے ایک مزدور کے



طور پر بھی کام کیا۔

بھگوان دادا نے اپنے فلمی کیرئر کے ابتدائی دور میں بطور اداکار سائلنٹ فلموں میں کام کیا۔

اسی کے ساتھ ہی انہوں نے فلم انڈسٹری میں رہ کر فلموں کی ہدایت کار ی کی تکنیک سیکھنا شروع کردی۔

اسی درمیان ان کی ملاقات ہدایت کار جے پی پوار سے ہوئی اور وہ ان کے معاون کے طور پر کام کرنے لگے۔

انہوں نے خاموش فلموں کے دور سے ہی کام کرنا شروع کر دیا تھا۔

1931 سے لے کر 1996 تک یعنی 65 سال تک وہ فلموں میں سرگرم رہے۔

ان کا بچپن غربت میں گزرا تھا۔

چوتھی جماعت کے انہوں نے تعلیم چھوڑ دی۔

بعد میں وہ اپنے وقت کے سب سے متمول اداکاروں میں سے ایک بن گئے۔