آیوشمان کھرانہ امریکہ اور برطانیہ میں پر فارم کریں گے

ممبئی، 28 جون (یو این آئی) بالی ووڈ کے مشہور اداکار - گلو کار آیوشمان کھرانہ جلد ہی امریکہ اور برطانیہ میں پر فارم کریں گے۔ آیوشمان کھرانہ جولائی اور اگست میں امریکہ کے آٹھ شہروں ڈیلاس، سین جوس، سی ایٹل، واشنگٹن ڈی سی، نیو جرسی،اٹلانا، اور لینڈو، شکاگو کے علاوہ ٹورنٹو، کینیڈا میں پر فارم کریں گے۔ آیوشمان اس سال ستمبر کے مہینے میں برطانیہ کے دو شہروں کا بھی دورہ کریں گے۔

آیوشمان کھرانہ نے بتایا کہ اس سال میرے دو ٹور ہیں۔ پہلے ٹور میں آپ مجھے



اپنے بینڈ کے ساتھ امریکہ اور کینیڈا میں پر فارم کرتے ہوئے دیکھیں گے اور دوسراٹور مجھے یو کے لے جائے گا۔ میرے اندر کا انٹر ٹینزا سٹیج پر آنے اور ان دونوں ممالک کے لوگوں کے سامنے لائیو پر فارم کرنے کے لئے بے تاب ہے۔ میں ہندوستانی موسیقی اور ہندوستانی ثقافت کو عالمی سامعین تک لے جانے پر بہت خوش ہوں۔ مجھے ایک ہندوستانی ہونے پر فخر ہے اور مجھے سنیما پسند ہے۔ بین الا قوامی ٹور سے مجھے اپنے ملک کو دنیا کے سامنے نمائندگی کرنے کا موقع ملتا ہے اور میں اس کے لیے ہمیشہ تیار ہوں۔