ایسی فلم میں کام نہیں کرنا چاہتے جس کے لئے پچھتانا پڑے: آیوشمان

ممبئی، 14ستمبر (ایجنسی) بالی ووڈ اداکار آیوشمان کھورانہ کا کہنا ہے کہ وہ ایسی فلم میں کام نہیں کرناچاہتے جس کے لئے انہیں بعد میں پچھتانا پڑے۔

آیوشمان کھورانہ کی حال میں ہی ڈریم گرل فلم ریلیز ہوئی ہے جس میں انکی ایکٹنگ کی کافی تعریف کی جارہی ہے۔ آیوشمان کی ہر فلم ایک دوسرے سے کافی مختلف ہوتی ہے۔

کامیڈی فلم ہو یا پھر سوشل میسج دینے والی فلم آیوشمان ہر کردار میں کھرے اترے ہیں۔

آیوشمان کی فلموں اور ایکٹنگ سے انکی مہارت ظاہر ہوتی ہے۔

 

لیکن کچھ فلمیں ایسی بھی ہیں جن سے آیوشمان



کھورانہ خود کو دور ہی رکھنا چاہتے ہیں۔

آیوشمان سے پوچھا گیا کہ وہ کس طرح کی فلمیں رجیکٹ کرنا چاہیں گے تو انہوں نے بتایا کہ وہ کبھی بھی ایسی فلمیں نہیں کرنا چاہیں گے جنہیں کرنے کے بعد انہیں پچھتانا پڑے اور جو انہیں پیچھے کی طرف لے جائیں۔ آیوشمان نے کہا کہ ایک پروگریسیو سنیما کا حصہ ہونے پر میں کبھی بھی ایسا نہیں کروں گا، جس کے بعد مجھے پچھتانا پڑے۔ پھر چاہے ڈریم گرل جیسی گھریلو فلم ہی کیوں نہ ہو، جس میں 90کی دہائی کا فلیور ہو۔ فلم میں جس طرح سے گانے دکھائے گئے ہیں وہ بھی 90کی دہائی سے انسپائر ہے۔ ہر گانے کے لئے ایک پرفیکٹ جگہ ہے۔