سنجے دت کے ساتھ کام کرنا شاندار تجربہ: ارجن کپور

ممبئی، 13مئی (ایجنسی) بالی ووڈ اداکار ارجن کپور کا کہنا ہے کہ سنجے دت کے ساتھ فلم پانی پت میں کام کرناان کے لئے شاندار تجربہ رہا ہے۔

ارجن کپور ان دنوں آشوتوش گواریکر کی فلم پانی پت میں سنجے کے ساتھ کام کررہے ہیں۔ ارجن کپور نے کہاکہ میں نے حال ہی میں سنجے دت کے ساتھ فلم کے کچھ سین کی شوٹنگ کی ہے۔ ان کے ساتھ کام کرنا میرے لئے اچھا تجربہ رہا۔ وہ کچھ ایسے اداکاروں میں سے ہیں جنہیں دیکھ کر میں بڑا



ہوا ہوں۔ ہم ان کے دور میں بڑے ہوئے ہیں۔

ارجن کپور نے کہاکہ سنجے دت کی پرسنلٹی لارجر دین لائف ہے۔ جب آپ سیٹ پر ان کے ساتھ چلیں گے تو آپ کو اس بات کا احساس ہوگاکہ وہ کیوں لارجر دین لائف ہیں۔

وہ کافی شائستہ ہیں۔ جس طرح سے وہ بات کرتے ہیں ایسا لگتا ہی نہیں کہ وہ فلم کے ولین ہیں۔ جب میں ان کے سامنے کھڑا ہوتا ہوں تو وہ گال کھینچتے ہیں۔ اس وجہ سے میرے لئے ایک کردار کے طورپر ان کے ساتھ کام کرنا مشکل ہوتا ہے۔