امجد خان بہترین ویلن اور منفرد اداکاری کے بے تاج بادشاہ تھے

ممبئی، 11 نومبر (یواین آئی) بالی ووڈ کی سپر ہٹ فلم ’’شعلے‘‘کے کردار’’ گبر سنگھ‘‘ کو بھلا کون بھول سکتا ہے۔ اس کردار نے امجد خان کو فلمی دنیا میں ایک منفرد شناخت دلائی تھی ۔ اس فلم میں گبر سنگھ کے کردار کے لئے پہلے ڈینی کا نام تجویز کیا گیاتھا۔

شعلے میں سب سے پہلے گبر سنگھ کا کردار ڈینی کو دیا گیا تھا لیکن اس وقت فلم ’’دھرماتما‘‘ میں کام کرنے کی وجہ سے انہوں نے یہ رول کرنے سے انکار کر دیا۔  علے کے اسکرپٹ رائیٹرسلیم خان کی سفارش پر رمیش سپی نے امجد خان کو گبر سنگھ کا کردار ادا کرنے کا موقع دیا۔

جب سلیم خان نے امجد خان سے فلم شعلے میں گبر سنگھ کا کردار



ادا کرنے کو کہا تو پہلے تو وہ گھبرا ئے لیکن بعد میں انہوں نے اسے ایک چیلنج کے طور پر لیا اور چمبل کے ڈاکوؤں پر مبنی کتاب’ ابھیشپت چمبل ‘ کا مطالعہ کرنا شروع کیا۔

بعد میں جب فلم شعلے ریلیز ہوئی تو ان کا اداکیاگیا کردار’ گبر سنگھ ‘شائقین میں اس قدر مقبول ہوا کہ لوگ گاہے بگاہے ان کی آواز اور چال ڈھال کی نقل کرنے لگے۔

12 نومبر 1940 کو پیدا ہوئے امجد خان کو اداکاری وراثت میں ملی تھی۔ ان کے والد جینت فلمی دنیا کے مشہور ویلن رہ چکے تھے۔ انہوں نے بطور اداکار اپنےکریئرکا آغاز 1957 کی فلم ’’اب دہلی دور نہیں ‘‘سے کیا تھا ۔ اس فلم میں انہوں نے چائلڈا سٹار کاکردار اداکیاتھا۔