اکشے کمار فلم ’ہاؤس فل 4‘ میں ریپ سونگ گائیں گے

ممبئی،24جولائی(ایجنسی)مشہور اداکار اکشے کمار اپنی آنے والی فلم ’ہاؤس فل4‘ میں ریپ سونگ گاتے ہوئے نظر آئیں گے۔

سنگ از کنگ،اسپیشل 26 اور انٹرٹینمنٹ جیسی فلموں میں گانے گاچکے اکشے اب اپنی آنے والی فلم ’ہاؤس فل 4‘میں بھی ایک ریپ سونگ گائیں گے۔ انٹر ٹینمنٹ کی ہدایت فرہاد سمجی نے کی تھی اور انہوں نے ہی اکشے کو اس فلم میں گانا گانے کےلئے راضی کیاتھا۔ ’ہاؤس فل 4‘ میں گانے کےلئے بھی



فرہاد نے ہی ان سے ہاں کروائی ہے۔ فلم کے پروڈیوسر ساجد ناڈیا والا کو یہ مشورہ پسند آیا اوراس کے بعد پروڈیوسر اور ڈائریکٹر دونوں نے اس مشورے پر کام کرنے کےلئے اتفاق رائے کا اظہار کیا۔

بتایا جارہا ہے کہ تنشک باگچِیکی کمپوزیشن میں بنا یہ گانا ریکارڈ ہونا باقی ہے۔ میکرس کو ابھی یہ طے کرنا باقی ہے کہ یہ ایک سولو ٹریک ہوگا یا پھر ڈوئٹ سونگ ہوگا جس میں اکشے اور میکا سنگھ ساتھ میں ریپ کرتے نظر آئیں گے۔