اجے دیوگن نے ری کریٹ کیا 'پھول اور کانٹے' والا اسٹنٹ

ممبئی، 15 ستمبر (یو این آئی) بالی ووڈ کے سنگھم اسٹار اجے دیوگن نے اپنی سپرہٹ فلم 'پھول اور کانٹے' کا آئی کونک اسٹنٹ شیئر کیا ہے۔

اجے دیوگن نے سوشل میڈیا اکاؤنٹ پر ایک ویڈیو کلپ شیئر کیا ہے جس میں وہ اپنے شاندار اسٹنٹ کو پرفارم کرتے ہوئے نظر آرہے ہیں۔

اجے نے 1991 میں آئی فلم ’پھول اور



کانٹے‘ میں بائیک پر اسٹنٹ کیا تھا جبکہ 30 سال بعد وہ اسی اسٹنٹ کو ٹرک پر کرتے نظر آرہے ہیں۔

اجے نے مداحوں کے ساتھ ویڈیو شیئر کرتے ہوئے کیپشن میں لکھا 'اس نے مجھے اس ’اسپلٹ‘ کی یاد دلا دی جو میں نے 30 سال پہلے کیا تھا! آپ کے لیے لے کر آئے ہیں انٹرٹنمنٹ اور ویلیو کی ڈبل گارنٹی! مزید تفصیلات کے لیے جڑے رہیں۔