پہلی بار کرن جوہر کے ساتھ "کافی" پیتے نظر آئیں گے اجے اور کاجول

نئی دہلی/15نومبر(ایجنسی)کرن جوہر کی ڈائریکٹریٹ پہلی فلم کچھ کچھ ہوتا ہے کی ہیروئین کاجول انکی بیسٹ فرینڈ بھی رہی ہے، لیکن دو سال پہلے کاجول کے شوہر اجے دیوگن کی فلم شیوائے اور کرن جوہر کی فلم اے دل ہے مشکل کے دوران ہوئے تنازعہ نے اس دوستی کو کافی متاثر کیا، کاجول اجے اور کرن جوہر کے درمیان تنازعہ تب ظاہر ہو گیا جب کرن نے اپنی بائیوگرافی میں خود اپنےاور کاجول کے جگھڑے کا خلاصہ کیا تھا، اس سارے ہنگامے اور تنازعہ کے بعد اب لگتا ہے کہ All is Well اور یہ ہم نہیں کہہ رہے ہیں بلکہ ایسا کہنا ہے خود کاجول کا-

دراصل کاجول پہلی بار اپنے شوہر اجے دیوگن کے ساتھ کرن جوہر کے شو کافی وتھ کرن میں نظر آنے والی ہیں، اجے ، کاجول اور کرن تینوں نے ہی آج یعنی جمعرات کو اس قسط کی شوٹنگ کی ہے اور اسکی تصویر بھی شیئر کی ہے.