توجہ نے اپنی بے باک اداکاری سے ناظرین کے درمیان خاص شناخت بنائی

ممبئی ، 22 ستمبر (یو این آئی) بالی ووڈ میں تنوجہ کو ایک ایسی اداکارہ کے طور پر یاد کیا جاتا ہے جنہوں نے اداکاراؤں کو فلموں میں روایتی طور پر پیش کئے جانے کے طریقے کو بدل کر اپنی بے باک اداکاری سے شائقین کے درمیان اپنی خاص شناخت بنائی 23 ستمبر 1943 کو ممبئی میں پیدا ہوئیں تنوجہ کے والد کمار سین سمر تھ شاعر اور فلم ساز تھے جبکہ ان کی ماں شو بھنا سمر تھ مشہور اداکارہ تھیں۔

تنوجہ نے اپنے فلمی کریئر کا آغاز بطور چائلڈ آرٹسٹ



1950 میں اپنی ماں کے ہوم پروڈکشن فلم ”ہماری بیٹی “ سے کیا تھا۔ اس فلم سے توجہ کی بڑی بہن نوتن نے بھی اداکارہ کے طور پر اپنے کیریئر کی شروعات کی تھی۔ محض 13 سال کی عمر میں تنوجہ تعلیم حاصل کرنے کیلئے سوئٹزرلینڈ چلی گئیں جہاں انہوں نے انگریزی، فرانسیسی اور جرمن زبانیں بھی سیکھیں۔

اسی دوران تنوجہ کی ماں نے انہیں فلموں میں لانچ کرنے کے لئے 1958 میں چھیلی نام سے ایک مزاحیہ فلم بنانے کا فیصلہ کیا۔ چھیلی بطور اداکارہ توجہ کی پہلی فلم تھی۔