سنجیدہ اداکار کے طور پر شناخت بنائی ابھے دیول نے

ممبئی 14 مارچ (یو این آئی) بالی ووڈ میں ابھے دیول کا نام ایک ایسے اداکار کے طور پر لیا جاتا ہے جنہوں نے اپنی سنجیدہ اداکاری سے ناظرین کے درمیان خاص شناخت بنائی ۔

ابھے دیول 15 مارچ 1976 کو پیدا ہوئے۔ ان کو اداکاری وراثت میں ملی. دھرمیندر کے خاندان سے تعلق رکھنے کی وجہ سے ابھے دیول بھی اداکار بننا چاہتے تھے. ابھے دیول نے اپنے کیریئر کا آغاز سال 2005 میں امتیاز علی کی ہدایت میں بنی فلم 'سوچا نہ تھا' سے کی لیکن بدقسمتی سے فلم کو باکس آفس پر کوئی خاص کامیابی نہیں مل سکی۔

سال 2007 میں ابھے دیول کی ہنی مون ٹریولس ریلیز ہوئی. اس فلم نے باکس آفس پر اوسط



کامیابی حاصل کی. اسی سال ریلیز فلم ایک چالیس کے آخری لوکل میں اپنی سنجیدہ کردار کے ذریعے ابھے دیول نے ناظرین کو محظوظ کردیا ۔

اس کے بعد ابھے کی 'دیو ڈی' اور 'اوے لکی لکی اويے' جیسی فلمیں ریلیز ہوئیں جن میں ان کی اداکاری کو کافی پسند کیا گیا۔

سال 2011 میں ریلیز زویا اختر کی فلم 'زندگی نہ ملے گی دوبارہ' ابھے دیول کے کیریئر کے لئے سپر ہٹ فلم ثابت ہوئی. اس فلم میں اپنی بااثر اداکاری کیلئے ابھے دیول بہترین معاون اداکار کے فلم فیئر ایوارڈ کے لئے نامزد کئے گئے. اس کے بعد ابھے دیول کی جال اور راجھنا جیسی فلمیں ظاہر ہوئی جس میں انہوں نے اپنی سنجیدہ کردار سے شائقین کے دل جیت لیا.۔