فلم دبنگ 3کا ٹریلر انوکھے انداز میں لانچ ہوگا

ممبئی،21اکتوبر(یواین آئی)مشہور اداکار سلمان خان کی آنے والی فلم دبنگ 3کاٹریلر انوکھے انداز میں لانچ کیا جائےگا۔

سلمان کے مداحوں کو ’دبنگ 3‘ کا بےصبری سے انتظار ہے۔ فلم سازاب تک فلم کے کئی پوسٹر ریلیز کرچکے ہیں۔ حالانکہ ،مداحوں کو فلم کی کہانی کے بارے میں اب بھی کوئی اندازہ نہیں ہے۔

ایسے میں فلم سےپہلے مداحوں کو فلم کے ٹریلر کا بھی بےصبری سے انتظار ہے۔  سلمان خان کے مداح دبنگ 3 کا ٹریلر دیکھنے کےلئے بھی بےحد پرجوش



ہیں۔ ایسی خبریں ہیں کہ 23اکتوبرکو دبنگ 3 کا ٹریلیر ریلیز کیا جائےگا۔ اس موقع پر سلمان خان چلبل پانڈے کے کردار میں نظر آئیں گے اور اپنی پرفارمنس سے شائقین کو لطف اندوز کریں گے۔

اس بار فلم کا ٹریلر انوکھے انداز میں لانچ کیا جائےگا ۔ ممبئی کے علاوہ ملک کے دیگر شہروں میں بھی ٹریلر کو لانچ کیا جائےگا۔

چنئی،بیگلورو ،حیدرآباد ،دہلی،جےپور،کولکاتہ،احمدآباد،اندور اور لکھنؤ میں ٹریلر کو ایک ساتھ لانچ کیا جائےگا۔ دبنگ 3 ،20دسمبر کو ریلیز ہونے والی ہے۔