نائب صدر نے انجینئرنگ کالجوں میں علاقائی زبانوں میں سلیبس کا کیا خیرمقدم

نئی دہلی، 17 جولائی (یو این آئی) نائب صدر ایم وینکیا نائیڈو نے 8 ریاستوں کے 14 انجینئرنگ کالجوں میں نئے تعلیمی سیشن سے کچھ چنیدہ سلیبس کو علاقائی زبان میں بھی دستیاب کرانے کا خیر مقدم کیا ہے۔

مسٹر نائیڈو نےسنیچر کے روز یہاں جاری ایک پیغام میں کہا کہ یہ اطمینان کا موضوع ہے کہ نئی تعلیمی پالیسی کے



مطابق ہی اے آئی سی ٹی ای نے بی۔ ٹیک پروگراموں کو ہندی، مراٹھی، تمل، تیلگو، کنڑ، گجرات، ملیالم، بانگلہ، آسمیا، پنجابی اور اڑیہ، ان 11 زبانوں میں پڑھانے کی منظوری فراہم کری ہے۔

نائب صدر نے امید ظاہر کی کہ دیگر انجینئرنگ کالج اور پیشہ ورانہ تعلیم کا ادارے بھی علاقائی زبانو میں سلیبس دستیاب کرائیں گے۔