یونیورسٹی اور کالجوں کےاردو نصابات صرف ایک کلک پر ریختہ پر دستیاب

Fri 18 May 2018, 19:41:59

نئی دہلی/18مئی(ایجنسی) نئے تعلیمی سال کے آغاز پر ریختہ فاؤنڈیشن نے اردو ادب کے طلبا کے لئے نصابی مواد تک رسائی میں حائل دشواریوں کے پیش نظر ریختہ ویب سائٹ پر ایک ایسا گوشہ متعارف کرایا ہے جس میں ملک کی بیشتر یونیورسٹیوں اور کالجوں میں جاری اردو نصابات شامل ہیں۔
ریختہ فاؤنڈیشن کے بانی سنجیو صراف نے بتا یا کہ چونکہ زیادہ تر نصابی کتابیں بازار میں دستیاب نہیں ہیں ،اور آن لائن اسپیس میں ان کی موجودگی بہت بے ترتیب ہے۔ اس لئے بڑے مربوط طریقے سے یہ قدم اٹھایا گیا ہے۔ طلبا اپنے تعلیمی ادارے کے نام پر کلک کرتے ہی جاری نصاب تک رسائی حاصل کر سکتے ہیں اور شامل متون اور کتابوں کو پڑھ سکتے ہیں۔ انٹرنیٹ پر دستیاب اپنی نوعیت کی یہ پہلی نصابی سہولت ہے۔
مسٹر صراف نے بتایا کہ ویب سائٹ پر موجود اس گوشے میں فی

الحال ملک کے17 تعلیمی اداروں میں رائج بی ۔اے اور ایم ۔اے کے نصاب شامل ہیں۔ اس فہرست میں مزید تعلیمی اداروں کو شامل کرنے کی کوشش جاری ہے۔ انہوں نے کہا کہ چونکہ لائبریریوںمیں کتابیں محدود ہوتی ہیں۔اس لئے طلبا کو کئی طرح کی مشکلوں سے گزرنا پڑتا ہے۔' ہماری یہ کوشش انہیں دشواریوں پر قابو پانے اور طلبا کو نصاب کے حوالے سے تمام ممکنہ سہولیات فراہم کرنے کے مقصد کے تحت ہے۔ اس سمت میں ہم اور بھی کئی منصوبوں پر کام کر رہے ہیں جو جلد اردو طلبا کی دسترس میں ہوں گے۔'
ریختہ کی طرف سےاس فیچر کے استعمال اور اس سے استفادے کو آسان بنانے کے لیے تعلیمی اداروں کے نام سے متعلقہ نصاب پی ڈی ایف فارمیٹ میں اپلوڈ کیا گیا ہے۔جسے آف لائن بھی محفوظ کیا جاسکتا ہے۔ تعلیمی ادارے کے نام پر کلک کرتے ہی مکمل نصاب کھل جاتا ہے۔ طلبا نصاب میں موجود کوئی بھی کتاب ،غزل ، نظم، قصیدہ ،مثنوی، مرثیہ ،افسانہ،ڈرامہ، خاکہ اور انشائیہ صرف ایک کلک پر پڑھ سکتے ہیں۔

فیس بک پر شیئر کریں! ٹویٹر پر ٹویٹ کریں

اس پوسٹ کے لئے کوئی تبصرہ نہیں ہے.

تبصرہ کیجئے