مانو اور اردو کیلئے پروفیسر خالد سعید کی خدمات ناقابلِ فراموش

حیدرآباد،27مئی(یواین آئی) مولانا آزاد نیشنل اُردو یونیورسٹی کے سابق صدر شعبہ اردو و معروف شاعر و نقاد پروفیسر خالد سعید کا بعمر 71 سال کل (26 مئی) حیدرآباد میں انتقال ہوگیا اور آج صبح گلبرگہ) کرناٹک) میں تدفین عمل میں آئی۔

پروفیسر خالد سعید شعبہ اردو کے بانی صدر و اسکول آف لینگویجس کے اولین ڈین، مرکز برائے اردو زبان، ادب و ثقافت کے



ڈائرکٹر کے علاوہ چیف وارڈن، مجلس تعلیمی و مجلس انتظامی و دیگر کمیٹیوں کے رکن بھی رہے ہیں۔

پروفیسر ایس ایم رحمت اللہ، انچارج وائس چانسلر و پروفیسر صدیقی محمد محمود، رجسٹرار انچارج نے اردو زبان وادب اور یونیورسٹی کے لیے مرحوم کی نمایاں خدمات کو ناقابل فراموش قراردیتے ہوئے پراثر خراج عقیدت پیش کیا اور ارکان خاندان سے اظہار تعزیت کی ہے۔