آن لائن ادبی فورم ”بازگشت“ کا دوسرا ادبی اجلاس

فیض احمد فیض کی نظموں کی پیش کشی اور تجزیہ

 پروفیسر علی جاوید صدارت کریں گے

حیدرآباد، 15/ اگست (پریس نوٹ)”بازگشت“آن لائن ادبی فورم کی جانب سے آج مشہور ترقی پسند شاعر فیض احمد فیض کی نظمیں ”مجھ سے پہلی سی محبت“، ”رقیب سے“، ”موضوع سخن“ اور ”تنہائی“ ممتاز ٹی وی فنکار جناب جاوید نسیم پیش کریں گے۔معروف ترقی پسند نقاد،قومی اردو کونسل کے سابق ڈائرکٹر اور دہلی یونیورسٹی کے سبک دوش استاد پروفیسر علی جاوید اس اجلاس کی صدارت کریں گے۔ بزرگ نقادپروفیسر رحمت یوسف زئی سابق استاد حیدرآباد سنٹرل یونیورسٹی اورنئی نسل کے ادیب، شاعر اور مترجم ڈاکٹر سید محمود کاظمی استاد شعبہئ ترجمہ، مولانا آزاد نیشنل اردو یونیورسٹی، حیدرآباد ان نظموں کا تجزیہ پیش کریں گے۔”بازگشت“ کے سرپرست پروفیسر بیگ احساس کی اطلاع کے بموجب”صالح اور معیاری ادب کی قرأت، تفہیم، تعبیر، ترویج اور فروغ کے لیے ”بازگشت“ 



آن لائن ادبی فورم کا قیام عمل میں آیا ہے۔ اس کی جانب سے اردو کے کلاسیکی ذخیرے سے ہر ہفتے شنبہ کی رات 8 بجے گوگل میٹ پر کوئی شاہکار تخلیق یا تحریر پیش کی جاتی ہے۔ اس فورم کے تحت افسانہ، خاکہ، انشائیہ، نظم، غزل یا کسی دیگر تخلیق/تحریر کی قرأت کے بعد قلم کار کا مختصر تعارف پیش کیا جاتا ہے۔ بعد ازاں پیش کردہ تخلیق یا تحریر پر گفتگو ہو تی ہے۔

اس آن لائن ادبی فورم کی انتظامیہ کمیٹی میں سرپرست پروفیسر بیگ احساس کے علاوہ ڈاکٹر فیروز عالم (استاد شعبہئ اردو، مولانا آزاد نیشنل اردو یونیورسٹی، حیدرآباد)، ڈاکٹر گل رعنا (استاد شعبہئ اردو، تلنگانہ یونیورسٹی، نظام آباد) اور ڈاکٹر حمیرہ سعید (پرنسپل، گورنمنٹ ڈگری کالج فار ویمن، سنگا ریڈی) شامل ہیں۔ شائقین ادب سے التماس ہے کہ مندرجہ ذیل لنک کے ذریعے پروگرام میں شرکت کریں۔  https://meet.google.com/sji-msbk-qdk  پروگرام ٹھیک آٹھ بجے رات گوگل میٹ پر منعقد ہوگا۔

ڈاکٹر فیروز عالم

9908201880