ریلوے بھرتی امتحان میں کسی کا نقصان نہیں : وزارت ریلوے

نئی دہلی، 18 جنوری (یو این آئی) ریلوے کی وزارت نے آج غیر تکنیکی زمرہ میں تقریباً 35 ہزار بھرتیوں کے تعلق سے سوشل میڈیا کے ایک حصے میں آنے والی مبینہ گمراہ کن خبروں کی سلسلے وار طریقے سے وضاحت کرتے ہوئے کہا کہ اس سے کسی بھی امیدوار کے لیے مقابلے کے مواقع کم نہیں ہوئے اور نہ ہی کسی



کا کوئی نقصان ہوسکتا ہے ۔

ریلوے کی وزارت نے یہاں کہا کہ دوسرے مرحلے میں کمپیوٹر پر مبنی ٹیسٹ کے لئے امیدواروں کے انتخاب کا عمل 28 فروری 2019 کو شائع کئے گئے نوٹی فکیشن میں تفصیل سے بتایا گیاتھا۔

13 زمروں کے عہدے گریجویٹ اور چھ زمروں کے عہدے 12 ویں پاس لوگوں کے لئے نوٹیفکیشن کیے گئے تھے۔