نیلوفر یاسمین کو مگدھ یونیورسٹی سے ڈاکٹریٹ کی ڈگری تفویض

پٹنہ، 10دسمبر (یو این آئی) عظیم آباد پٹنہ کے مشہور و معروف شاعر مرحوم جناب کیف عظیم آبادی کی صاحبزادی،اور پرویز اختر انسپکٹر کی اہلیہ نیلوفر یاسمین کو مگدھ یونیورسٹی نے ان کے تحقیقی مقالے ’اردو کی نمائندہ تانیثی شاعرات‘ کے موضوع پر ڈاکٹریٹ کی ڈگری تفویض کی ہے انہوں نے یہ مقالہ ڈاکٹر نشاط فاطمہ،صدر شعبہئ اردو مرزا غالب کالج،گیا بہار کی رہنمائی میں تحریر کیا تھاجس پر ریسرچ اسکالر نیلوفر یاسمین کو مگدھ یونیورسٹی،بودھ گیا نے ڈاکٹر آف فلاسفی (پی ایچ ڈی) کی گراں قدر ڈگری سے سرفراز کیا گیا۔ ان کے پی ایچ ڈی کے بیرونی ممتحن کے طور پر ڈاکٹر مشتاق احمد،ر جسٹر ار ایل این متھلا یونیورسٹی دربھنگہ،بہار اور پروفیسر شاہد رضوی صدر



شعبہئ اردو، مگدھ یونیورسٹی تھے۔ریسرچ اسکالر نیلوفر یاسمین کا اوپن وایوا شعبہئ اردو میں شعبہئ کے طالب علموں، اساتذہ اکرام و اردو ریسرچ اسکالرز کی موجودگی میں منعقدکیا گیا۔ اس اوپن وایوا کے بعد تمام شرکا ء نے نیلوفر یاسمین کو مبارکباد پیش کرتے ہوئے علمی و ادبی شعبے میں مزید کامیابی و کامرانی کے لئے دعائیں دیں اور نیک خواہشات کا اظہار کیا۔

واضح رہے کہ نیلوفر یاسمین عظیم آباد پٹنہ کے ایک علمی و ادبی گھرانے میں پیدا ہوئی اور عظیم آباد کے مشہور و معروف شاعر مرحوم کیف عظیم آبادی کی صاحبزادی ہے۔ نیلوفر یاسمین کو ڈاکٹریٹ کی ڈگری سے سرفراز کیے جانے پر عزیز و اقارب نے مبارکباد پیش کی اور مستقبل کے لیے نیک خواہشات کا اظہار کیا۔