نئی تعلیمی پالیسی کا مقصد ہمہ جہت ترقی پر زور دینا ہے: نشینک

نئی دہلی ، 27 نومبر (یواین آئی) مرکزی وزیر تعلیم ڈاکٹر رمیش پوکھریال نشنک نے کہا کہ نئی تعلیمی پالیسی میں ہندوستانی ثقافت اور تعلیم کو شامل کیا گیا ہے اور ہندوستانی زبانوں ، فنون اور ثقافت کے فروغ پر زور دیا گیا ہے تاکہ طلبہ کی ہمہ جہت ترقی کی جاسکے ڈاکٹر نشنک نے جمعہ کو ہیومن ریسورس ڈویلپمنٹ سینٹر، جواہر لال نہرو یونیورسٹی اور ریسرچ فار ریسرجنس فاؤنڈیشن کے زیر اہتمام 'قومی ایجوکیشن پالیسی برائے ہولیسٹک ڈویلپمنٹ: مسائل ، چیلنجز اور راستے' کے عنوان سے ایک ویبنار سے خطاب کرتے ہوئے کہا کہ اس پالیسی میں ہندوستانی ثقافت اور تعلیم کو شامل کیا گیا ہے اور اس میں ہندوستانی زبانوں ، فنون اور ثقافت کے فروغ پر زور دیا گیا ہے تاکہ



طلبہ کی ہمہ جہت ترقی کی جاسکے۔

انہوں نے کہا کہ قومی تعلیم کو نئی سمت دینے والی نئی تعلیمی پالیسی پر تبادلہ خیال کرنا بہت ضروری ہے۔ تعلیم قومی اور انسانی نظریات اور اہداف کے حصول کا ایک ناگزیر ذریعہ ہے۔

قومی تعلیمی پالیسی ان نظریات اور حقیقی مقاصد کے حصول کی طرف ایک تاریخی اور مناسب قدم ہے۔ ایسا لگتا ہے کہ اس تعلیمی پالیسی کے بارے میں عوامی سطح پر بیداری پیدا کرنا قومی اور سماجی فرض ہے۔

ڈاکٹر نشنک نے کہا کہ "قومی تعلیمی پالیسی کی تشکیل میں تمام شہریوں کا کردار اہم رہا ہے کیونکہ اس کا مسودہ نہ صرف 130 کروڑ ہندوستانیوں کے مشوروں کے بعد تیار کیا گیا تھا بلکہ مختلف خطوں ، طبقات اور عمر کے لوگوں کو جوڑنے کے لئے بھی تھا۔‘‘