اردو میڈیا، ماضی، حال اور مستقبل پر مانو میں ماہ نومبر میں عالمی کانفرنس

حیدرآباد، 16 جولائی (یو این آئی) مولانا آزاد نیشنل اردو یونیورسٹی ،شعبہ ترسیل عامہ و صحافت رواں سال کے ماہ نومبر میں ”اردو میڈیا: ماضی، حال اور مستقبل“ کے عنوان سے سہ روزہ بین الاقوامی کانفرنس کا اہتمام کر رہا ہے جس کا بنیادی مقصد اردو صحافت کے 200 سالہ جشن کو یادگار بنانا ہے۔

کانفرنس کے کنوینر و ڈین اسکول آف ایم سی جے پروفیسر احتشام احمد خان کے بموجب 13 تا 15 نومبر کو منعقد ہونے والی اس بین



الاقوامی کانفرنس میں پیش کیے جانے والے تحقیقی مقالے اردو صحافت کے شاندار ماضی اور خاص طور پر عالمی تناظر میں امن کے پھیلاواور اس کو فروغ دینے میں اس کے کردار اور شراکت داری کے متعلق ہوں گے۔

انہوں نے کہا کہ اس بین الاقوامی کانفرنس میں تحقیقی مقالے پیش کرنے کے خواہاں ملکی و غیر ملکی ریسرچ اسکالرز/ ماہرین تعلیم/ صحافیوں/ دیگر افراد تین زبانوں اردو، ہندی یا انگریزی میں اپنے مقالوں کی تلخیص بھیج سکتے ہیں۔