ملیالی مصنف اکیٹم کو 55 واں گیان پیٹھ ایوارڈ

نئی دہلی ، 29 نومبر (یو این آئی) ملیالی کے نامور مصنف اکیٹم اچیوتن نمبودری کو 55 واں گیان پیٹھ ایوارڈ دینے کا اعلان کیا گیا ہے۔

جمعہ کے روز بھارتیہ گیان پیٹھ کی سلیکٹ کمیٹی کی میٹنگ میں ملیالم زبان کے سب سے بڑے شاعر و ادیب کو یہ ایوارڈ دینے کا فیصلہ کیا گیا۔ ایوارڈ میں 11 لاکھ روپے ، واگ دیوی کا مجسمہ ، ایک توصیفی سند اور ایک یادگار پر مشتمل ہے۔

8 مارچ ، 1926 کو کیرالہ کے ضلع پلاکڑ کے کومر نیلور گاؤں میں پیدا ہونے والے مسٹر اکیٹم کا اس ایوارڈ کے لئے انتخاب گیان پیٹھ ایوارڈ یافتہ اوڑیا کے مصنف پرتیبھا رائے کی سربراہی والی کمیٹی نے کیا۔ کمیٹی میں ،



پروفیسر شمیم حنفی ، ہریش تریویدی ، سورنجن داس ، چندرکانت پاٹل ، اصغر وجاہت ، مدھاو کوشک اور بھارتیہ گیا پیتھ کے ڈائریکٹر مدھوسودن آنند وغیرہ شامل تھے۔

بھارتیہ گیان پیٹھ کے ذریعہ جاری کردہ ایک ریلیز کے مطابق ، مسٹر اکیٹم بچپن سے ہی ادب ، مصوری ، موسیقی اور علم نجوم میں گہری دلچسپی رکھتے ہیں۔ شاعری ، ڈرامہ ، ناول اور ترجمے میں ان کی 40 سے زئد کتابیں ہیں۔ وہ مثبت معاشرتی تغیر پذیر شاعر ہیں۔ انہیں ساہتیہ اکیڈیمی ایوارڈ ، مورتی دیوی ایوارڈ ، کبیر سمان ، ولاتول سمان وغیرہ مل چکے ہیں۔ ان کی تخلیقات کا کئی ہندوستانی زبانوں اور غیر ملکی زبانوں میں ترجمہ ہوچکا ہے۔