بہار میں اردو کو دوسری زبان کا درجہ دلانے میں غلام سرور نے کلیدی کردار ادا کیا

یو م پیدا ئش 10جنوری پر خاص

بھوپال، 10جنوری(یو این آئی)بے باک صحافی، شاندار مقرر، اردو کا مجاہد اور نڈر سیاست داں،ایک ایسی شخصیت جس کی تحریریں بڑے سے بڑے سیاستداں کو بھی الجھا دیتی تھیں ۔

وہ نام ہے مرحوم غلام سرور کا۔ غلام سرور جیسی شخصیت بہت کم پیدا ہوتی ہیں۔ ایک شخص میں اتنی خوبیاں کم ہی ملتی ہیں سالار اُردو، تحریک اُردو، فخر ملت صحافت کے علمبر دار اور منجھے ہوئے سیاستدان الحاج غلام سرور جنہوں نے بہار میں اردو کو



دوسری سرکاری زبان کا درجہ دینے کا مطالبہ کرتے ہوئے غلام سرور صاحب نے اُردو تحریک کے لیے گاؤں گاؤں اور گلی گلی گئے اور اپنے حامیوں کے ساتھ بھوک ہڑتال پر بیٹھے اور آخر کار بہار میں اُردو کو دوسری سرکاری زبان کا درجہ دے دیا گیا۔ غلام سرور صاحب ایک ایسی شخصیت کے مالک تھے جن کے اندر تمام خوبیاں موجود تھیں۔ وہ جس بھی عہدے پر رہے انہوں نے منفرد انداز میں اردو کی خدمت کی ان خیالات کا اظہار سابق ڈی جی پی ایم ڈبلیو انصاری نے یہاں جاری ایک پریس ریلیز میں کیا۔