شعبہ تعلیمِ نسواں ‘ مانو کی جانب سے تہذیبی پروگرام ” ایک شام عظمتِ نسواں کے نام“

حیدرآباد، 12 مارچ (یو این آئی) مولانا آزاد نیشنل اردو یو نیورسٹی کے 25 سالہ جشن سیمیں کے تحت شعبہ تعلیمِ نسواں کی جانب سے 14 مارچ کو 3:30 بجے تا 6 بجے شام آن لائن خواتین کی شعری نشست بہ عنوان ” ایک شام عظمتِ نسواں کے نام“ منعقد ہوگی۔

شعبہ کی صدر، ڈاکٹر آمنہ تحسین کے بموجب اس شعری نشست کی صدارت پروفیسر سید عین الحسن‘ وائس چانسلر، کریں گے اور پروفیسر اشرف رفیع‘ سابق صدر شعبہ اردو،



عثمانیہ یونیورسٹی مہمانِ خصوصی اور مقبول شاعرہ محترمہ تسنیم جوہر، مہمانِ اعزازی ہوں گی۔

آن لائن شعری نشست میںشرکت کر نے والی شاعرات میں پروفیسر رفیعہ شبنم عابدی (ممبئی)، محترمہ عذرا نقویٰ (دہلی)، ڈاکٹر شبنم عشائی ( سری نگرکشمیر)، پروفیسر شہناز نبی ( کولکتہ)، ڈاکٹر نصرت مہدی ( بھوپال)، ڈاکٹر روبینہ شبنم (پنجاب)، ڈاکٹر شائستہ یوسف ( بنگلور) اورڈاکٹر کہکشاں تبسم ( بھاگلپور، بہار) شامل ہیں۔