آٹھ کروڑ روپیوں کے اسکالر شپس پر مشتمل ملت ٹیلنٹ سرچ ٹسٹ2025 کا انعقاد

کامیاب طلبہ کو ایم ایس ایجوکیشن اکیڈیمی حیدرآباد،انیس ڈیفنس کرئیر انسٹیٹیوٹ پونہ اور ہند گرو اکیڈیمی نئی دہلی میں تعلیم اور کوچنگ کے مواقع

حیدرآباد 5 نومبر۔(پریس ریلیز) ملت کے ہونہار طلبہ کو اعلٰی معیاری تعلیم و کو چنگ فراہم کرتے ہوئے انہیں پروفیشنل کورسس میں داخلہ کے قابل بنانے کے لئے ملک گیر سطح پرایک یکم ڈسمبر کو ملک بھر میں ایک ٹیلنٹ ٹسٹ کا انعقاد کیا جائے گا۔

اس سلسہ میں ملت فاونڈیشن فار ایجوکیشن ریسرچ اینڈڈیولپمنٹ(ایم ایف ایم آر ڈی) نے دسویں جماعت کے طلبہ کودوسالہ پلس ٹو یا انٹرمیڈیٹ کورس کے ساتھ ہی ساتھ مسابقتی تعلیمی امتحانات کی معیاری کوچنگ حاصل کرنے کا موقع فراہم کرنے کا فیصلہ کیا۔اس کے لئے ملت ٹیلنٹ سرچ ٹسٹ 2025 کا انعقادکیا جائے گا۔دسویں جماعت کے ایسے طلبہ جو نیٹ، آئی آئی ٹی جے ای ای ، کلاٹ، این ڈی اے اور سی اے فاونڈیشن

کی مربوط کوچنگ کے ساتھ 2 سال کےاقامتی یا غیر اقامتی2+ کورس میں داخلہ کے خواہشمند ہوں ان کے لئے یہ ایک بہترین موقع ہے۔ملت ٹیلنٹ سرچ ٹسٹ کے ذریعہ منتخب طلبہ کو فی طالب علم 2 سال کے لئے 5 لاکھ روپئےاسکالرشپ فراہم کی جائے گی جس کے ذریعہ وہ ملک کے باوقار تعلیمی اداروں ایم ایس ایجوکیشن اکیڈیمی حیدرآباد،انیس ڈیفنس کرئیر انسٹیٹیوٹ پونہ اور ہند گرو اکیڈیمی نئی دہلی میں تعلیم اور کوچنگ حاصل کرسکتے ہیں۔ ملت ٹیلنٹ سرچ ٹسٹ دو مرحلوں پر مشتمل ہوگا پہلا تحریری امتحان اور دوسرا مرحلہ انٹرویو ہوگا۔

ایم ایس ایجوکیشن اکیڈیمی ملت ٹیلنٹ سرچ ٹسٹ کا ایک اہم شراکت دارہے۔ ایم ایس ایجوکیشن اکیڈیمی کے منیجنگ ڈائرکٹر ڈاکٹر معظم حسین دسویں جماعت میں زیر تعلیم طلبہ سے اپیل کی کہ وہ اس زرین موقع سے فایئدہ اٹھائیں۔اس امتحان میں کامیاب طلبہ کے لئے اپنے میدان کے ماہرین سے تعلیم اور کوچنگ کا انتظام کروایا جائے گا۔ ڈاکٹر معظم حسین نے میں ملت فاونڈیشن فار ایجوکیشن ریسرچ اینڈڈیولپمنٹ سےایم ایس کی شراکت پر اظہار خیال کرتے ہوئے کہا کہ ایم ایس کے پاس ملک و ملت کےنونہالوں کو پروفیشنل کورسس میں داخلوں کےمسابقتی امتحانات جیسے نیٹ، آئی آئی ٹی جے ای ای ، کلاٹ اور سی اے فاونڈیشن کی تیاری اور اس کے بہترین نتائج کی ایک طویل فہرست ہے۔ ملت ٹیلنٹ سرچ ٹسٹ 2025کے ذریعہ کامیاب طلبہ کو ایم ایس ایجوکیشن اکیڈیمی میں انٹر میڈیٹ کورس کے ساتھ نیٹ، آئی آئی ٹی جے ای ای ، کلاٹ، سی اے فاونڈیشن میں فی کورس 40 طلبہ کو داخلہ دیا جائے گا۔یہاں ریسیڈیشیل اور ڈے اسکالر دونوں



سہولتوں کے ساتھ داخلہ کا انتظام ہوگا۔ ڈاکٹر معظم حسین نے طلباء و طالبات دونوں سے اپیل کی کہ وہ اس ٹسٹ میں حصہ لیں۔

ملت ٹیلنٹ سرچ ٹسٹ 2025 کے دوسرے پارٹنر انیس ڈیفنس کرئیر انسٹیٹیوٹ پونہ پچھلے 36 سالوں سے نیشنل ڈیفنس اکیڈیمی این ڈی اے کی کوچنگ کے اعلٰی اداروں میں سے ایک ہونے کا اعزاز حاصل ہے ۔یہاں ملت ٹیلنٹ سرچ ٹسٹ 2025 کامیاب طلبہ کے لئے دوسالہ پلس ٹو کورس کے ساتھ 40 طلبہ کو بطور ڈے اسکالر داخلہ کا انتظام رہے گا۔

جبکہ تیسرے شراکت دارہند گرو اکیڈیمی نئی دہلی میں نیٹ، آئی آئی ٹی جے ای ای ، کلاٹ کی اعلٰی معیاری کوچنگ کے لئے جانا جاتا ہے۔ یہاں ملت ٹیلنٹ سرچ ٹسٹ 2025 کامیاب طلبہ کو دوسالہ پلس ٹو کورس کے ساتھ فی کورس 20طلبہ کو بطور ڈے اسکالر داخلہ کا انتطام رہے گا۔

ملت ٹیلنٹ سرچ ٹسٹ 2025کے ذریعہ کامیاب طلبہ کو نیٹ، آئی آئی ٹی جے ای ای ، کلاٹ، سی اے فاونڈیشن اور نیشنل ڈیفنس اکیڈیمی( این ڈی اے) فی کورس کےٹاپ 40 رینک حاصل کرنے والے طلبہ کو 100 فیصد اسکالر شپ کے ساتھ داخلہ دیا جائے گا،جبکہ 41 سے لے کر80 رینک حاصل کرنے والے طلبہ 75 فیصد اسکالر شپ کے ساتھ داخلہ کے اہل ہوں گے ۔

اس طرح ایم ایف ای آر ڈی نیٹ، آئی آئی ٹی جے ای ای ، کلاٹ، سی اے فاونڈیشن اور نیشنل ڈیفنس اکیڈیمی( این ڈی اے) میں فی کورس 160 ٹاپ طلبہ کو تمام سہولتوں سے لیس ماحول میں اعلٰی معیاری کوچنگ فراہم کروآئے گی ۔

ملت فاونڈیشن فار ایجوکیشن ریسرچ اینڈڈیولپمنٹ ایک غیر منافع بخش تنظیم ہے جس کا قیام اقلیتی تعلیمی اداروں کو آپس میں اشتراک، نیٹ ورکنگ، ہم آہنگی اور تعاون کے لیے ایک مشترکہ پلیٹ فارم فراہم کرنے کے وژن کے ساتھ عمل میں لایا گیا تھا، اس طرح ایم ایف ای آر ڈی کامقصد اقلیتی تعلیمی اداروں کو درپیش مختلف چیلنجوں سے نمٹنے اور باہمی تعاون وتحقیق کے ذریعے حل تلاش کرنا ہے۔

ملت ٹیلنٹ سرچ ٹسٹ 2025 کے لئےآن لائن رجسٹریشن کا آغازیکم نومبر 2024 سے شروع ہوچکا ہے۔

تحریری امتحان کا طریقہ کار آف لائن ہوگا۔امتحان کی تاریخ یکم ڈسمبر 2024 مقرر کی گئی ہے۔ تحریری امتحان ملک بھر میں 24 ریاستوں میں200 مراکز پر منعقد ہوگا۔ امتحان کاوقت صبح 10:00 بجے سے دوپہر 01:00 بجے تک ہوگا۔

ملت ٹیلنٹ سرچ ٹسٹ 2024کے رجسٹریشن کے لئے ایم ایف ای آر ڈی کے ویب سائٹ www.mferd.orgپر وزٹ کیجئے۔

مزید معلومات کے لئے ای میلmferd@ms.academyیا فون نمبرس

9573519922،

7416664822، اور 9573519922 پر رابطہ قائم کیا جا سکتا ہے۔رجسٹریشن کی آخری تاریخ : 25 نومبر 2024 ہے۔ رجسٹریشن کی فیس 100 روپئے ہے۔