تلنگانہ میں سرکاری ملازمتوں پر تقرری کا اعلان،عثمانیہ یونیورسٹی میں طلبا کا جشن

حیدرآباد9مارچ (یواین آئی)ریاست تلنگانہ کی 80,039ملازمتوں پر تقرری کے لئے آج نوٹیفکیشن جاری کرنے وزیراعلی کے چندرشیکھرراو کے ریاستی اسمبلی میں اعلان پر مسرت کا اظہار کرتے ہوئے شہر حیدرآباد کی عثمانیہ یونیورسٹی میں طلبہ نے جشن منایا۔

طلبا ریلی کی شکل میں عثمانیہ



یونیورسٹی کے آرٹس کالج پہنچے جہاں انہوں نے وزیراعلی کے اس اہم اعلان کا استقبال کیا اور جشن منایا۔

جشن منانے والوں میں ریاست کی حکمران جماعت ٹی آرایس کی طلبہ تنظیم ٹی آرایس وی سے وابستہ ارکان بھی تھے جن کا کہنا تھا کہ وزیراعلی نے بے روزگار نوجوانوں کے دیرینہ خواب کی تکمیل کی ہے۔