حیدرآباد میں لڑکی پرچاقو سےحملہ کرکے نوجوان نے کی خودکشی

ذرائع:

حیدرآباد:حیدرآباد میں ایک جنونی عاشق نے لڑکی پرجان لیوا حملہ کرنے بعد خودکشی کرلی۔بتایا جارہاہے کہ ملزم جو دسویں جماعت کی طالبہ کو برسوں سے پیار کرنے کے لئے مجبور کر رہا تھا، انکار کرنے پراس نے لڑکی پر چاقو سے حملہ کر دیا۔ پھر اس نے ٹرین کے نیچے آکر خودکشی کرلی۔ تفصیلات کے مطابق رمنانامی ملزم نے محبت کرنے کے لئے لڑکی کا پیچھاکرتے ہوئےہراساں کرتاتھا۔جس پرلڑکی راضی



نہ ہوئی۔

جمعرات کو رمنا نے محبت کو ٹھکرانے پرغصے میں آکر ٹیوشن جانے والی لڑکی پر چاقو سے حملہ کر دیا۔ رمنا نے بچاو کیلئے میں آنے والے ٹیوٹر پر بھی حملہ کیا اور فرارہوگیا۔ حملے میں زخمی ہونے والی لڑکی اور ٹیوشن ٹیچر کوفوری طورپر اسپتال منتقل کیا گیا۔ اسی دوران رمنا نے ٹرین کے نیچے آکر خودکشی کرلی۔ رمنا کی لاش جمعہ کو ودیانگر کے قریب ریلوے پٹریوں پر ملی۔پولیس ایک کیس درج کرکے مزید تحقیقات کررہی ہے۔