حیدرآباد کی بی جے پیMP امیدوار سے ہاتھ ملانے اور گلے ملنے پر خاتون ASI معطل

حیدرآباد: حیدرآباد سٹی پولیس کمشنر کے سری نواسا ریڈی نے سیدآباد پولیس اسٹیشن کی ایک خاتون اسسٹنٹ سب انسپکٹر کو سیدآباد میں انتخابی مہم کے دوران حیدرآباد بی جے پی لوک سبھا امیدوار مادھوی لتا سے ہاتھ ملانے اور گلے لگانے پر معطل کردیا۔

بی جے پی کارکنوں کی مہم کے دوران اے ایس آئی بندو بست کی ڈیوٹی پر تھی۔ ایک ویڈیو میں خاتون اے ایس آئی بی جے پی امیدوار مادھوی لتا کے قریب آتی



اور ہاتھ ملانے کے بعد اسے گلے لگاتی نظر آرہی ہے۔

ویڈیو کو سوشل میڈیا پلیٹ فارمز پر اپ لوڈ کیا گیا اور اس نے سینئر پولیس افسران کی توجہ مبذول کرائی جنہوں نے انکوائری کا حکم دیا اور اے ایس آئی کو معطل کر دیا۔

حال ہی میں، حیدرآباد بی جے پی کے ایم پی امیدوار پر بیگم بازار پولیس نے مبینہ طور پر مسلم کمیونٹی کو نشانہ بنانے اور حیدرآباد کی ایک مسجد کی طرف تیر چلانے والے اشارے پر نفرت انگیز تقریر کرنے کے الزام میں مقدمہ درج کیا ہے۔