آسام: خاتون نے مبینہ طور پر عاشق کے ساتھ مل کر شوہر اور ساس کا قتل کیا

نئی دہلی، 20 فروری (ذرائع) دہلی میں شردھا والکر اور نکی قتل کیس کے بعد آسام سے بھی ایک ایسا معاملہ سامنے آیا ہے جہاں لاشوں کو ٹکڑے ٹکڑے کر کے فریج میں چھپا دیا گیا۔

پولیس کے مطابق یہاں ایک خاتون نے مبینہ طور پر اپنے شوہر اور ساس کو قتل کر کے ان کی لاشیں فریج میں چھپا دیں۔ معاملے کی جانچ کر رہی پولیس کے مطابق، یہ پورا معاملہ آسام کے نون مٹی علاقے کا



ہے-

پولیس نے ملزم خاتون کی شناخت وندنا کلیتا کے طور پر کی ہے۔ پولیس کی ابتدائی تفتیش میں پتہ چلا ہے کہ وندنا کے شادی کے بعد ہی کسی سے تعلقات تھے۔ اس کی وجہ سے وندنا نے شوہر امرجیوتی ڈے اور ساس شنکری ڈے کو قتل کر دیا۔ پولیس تفتیش میں یہ بات سامنے آئی ہے کہ دونوں کو قتل کرنے کے تین دن بعد وندنا نے اپنے عاشق کی مدد سے لاشوں کے ٹکڑے کیے اور کچھ ٹکڑے میگھالیہ کے چیراپونجی میں پھینک دیا-