ویسٹرون آئی فون فیکٹری میں توڑ پھوڑ اور لوٹ کی تحقیقات کا حکم

نئی دہلی ، 16 دسمبر(یواین آئی) مرکزی حکومت نے کرناٹک کے ضلع کولار میں نارسا پور انڈسٹریل ایریا میں ویسٹرون آئی فون فیکٹری میں توڑپھوڑ اور لوٹ کی واردات کی تحقیقات کا حکم دیا ہے۔

مرکزی وزارت تجارت و صنعت کے ذرائع نے بدھ کے روز یہاں بتایا کہ حکومت نے اس واقعہ کا نوٹس لیا ہے اور



ریاستی حکومت سے تحقیقات کرنے اور ذمہ داروں کو سزا دینے کو کہا ہے۔

محکمہ تجارت و صنعت کے سکریٹری نے ریاستی حکام سے اس معاملے پر تبادلہ خیال کیا ہے اور ان سے کہا ہے کہ وہ اس سارے معاملے کی تحقیقات کریں ، مجرموں کو سزا دیں ، ملازمین کی تنخواہ کے معاملے کو دیکھیں اور دیگر معاملات حل کریں۔