اتراکھنڈ: امتحان میں کم نمبر آنے پر طالبات کو عریاں کرکے اسکول میں گھمایا

نئی دہلی/3اگسٹ(ایجنسی) اتراکھنڈ کے روڈکی میں بچوں کی ذرا سی بات پر ٹیچر کو اتنا غصہ آ گیا کہ اس نے بچوں کے ساتھ شرمناک حرکت کر دی. ٹیچر نے نابالغ طالبات کو پورے اسکول میں ننگا کر کے گھمایا. اس سے طالبات صدمے میں آ گئیں. الزام ہے کہ طالبات نے پرنسپل سے شکایت کی تو انہوں نے بھی ان سے یہ بات گھر پر نہ بتانے کی دھمکی دی. معاملہ جے پی انٹرنیشنل پبلک اسکول کا ہے. 

ٹیچر نے انگریزی کے ٹیسٹ میں کم نمبر آنے پر طالبات کے ساتھ ایسی حرکت کی. گھر پہنچ کر طالبات نے افراد خاندان کو بتایا. اس پر گھر والوں نے اسکول میں جم کر ہنگامہ کیا. معلومات پاکر پولیس بھی موقع پر پہنچی اور والدین کو کسی طور پر ٹھنڈا کیا. رشتہ داروں نے واقعہ کی تحریر دی ہے. وہیں مشترکہ مجسٹریٹ



نے بھی صورت میں رپورٹ طلب کی ہے.

منگل کو اسکول میں کلاس چھ کا انگریزی کا ٹیسٹ تھا. اس میں دونوں طالبات کے کم نمبر آئے. الزام ہے کہ اس کے بعد کلاس ٹیچر نے طالبات کو سب سے پیچھے کھڑا کر دیا اور کپڑے اتارنے کو کہا. طالبات نے کپڑے اتارنے سے انکار کر دیا. الزام ہے کہ اس کے بعد ٹیچر خود زبردستی کپڑے اتار دئے.

اس دوران ایک لڑکی کی قمیض کے بٹن بھی ٹوٹ گئے. کافی دیر تک دونوں طالبات اسی پوزیشن میں کھڑی رہیں. اس کے بعد انہوں نے معاملے کی شکایت اسکول کی پرنسپل سے کی، لیکن انہوں نے طالبات سے گھر پر نہ بتانے کی دھمکی دی. اس اسکول میں لڑکے-لڑکیاں دونوں پڑھتے ہیں. احاطے میں کپڑے اتار کر طالبات کو گھمانے کی خبر اسکول کے ساتھ ساتھ قصبہ میں آگ کی طرح پھیل گئی.