امریکہ: پرڈیو یونیورسٹی کا لاپتہ ہندوستانی طالب علم کیمپس میں مردہ پایا گیا

حیدرآباد، 30 جنوری (ذرائع) ایک چونکا دینے والے واقعے میں، امریکی ریاست انڈیانا کی پرڈیو یونیورسٹی کا ایک لاپتہ ہندوستانی طالب علم کیمپس کے اندر مردہ پایا گیا۔

طالب علم کی شناخت نیل اچاریہ کے نام سے ہوئی، جو پرڈیو یونیورسٹی کے جان مارٹنسن آنرز کالج میں کمپیوٹر سائنس اور ڈیٹا سائنس میں ڈبل میجر تھے۔ نیل لاپتہ تھے، اور ان کی ماں نے بیٹے کی گمشدگی کی شکایت درج کرائی۔



پولیس نے نیل کی موت کی تصدیق کی اور  لاش برآمد کر لی۔

یہ نعش کو اتوار کی صبح 10:30 بجے کیمپس میں موریس جے زوکارو لیبارٹریز کے قریب سے ملی۔ نعش کے ساتھ ملنے والی شناخت کی بنیاد پر نیل کی شناخت کی گئی۔

تاہم شبہ ظاہر کیا جا رہا ہے کہ نیل اچاریہ کو کسی نے قتل کیا ہو گا۔ پولیس معاملے کی تحقیقات کر رہی ہے۔

دوسری جانب 10 دنوں کے اندر امریکہ میں دو بھارتی طلباء جان کی بازی ہار گئے۔