بے روزگار شوہر نے اپنے ہی گھر چور بن کر بیوی کے زیورات چرائے

حیدرآباد، 22 جولائی (اعتماد) چوری کے ایک عجیب و غریب واقعہ میں ایک بے روزگار شخص نے اپنے ہی گھر میں بیوی کے زیورات کی چوری کرلی۔ جس پر پولیس نے اسے گرفتار کرتے ہوئے جیل بھیج دیا۔  چوری کی واردات اتوار کو تلنگانہ کے نرمل کی مادھو پور کالونی میں پیش آئی۔ اس بے روزگار شخص کی شناخت  شیوا کے طور پر کی گئی ہے جس نے اپنے مکان میں 8.1 تولے کے طلائی زیور 3.2 لاکھ روپے مالیت کے نقروی زیورات کی چوری کی۔ پولیس نے مسروقہ مال اس کے پاس سے برآمد کرتے ہوئے اس کو گرفتار کر



لیا۔ پولیس نے بتایا کہ شیوا کی بیوی انیتا راانی سرکاری ٹیچر ہے۔ شیوا نے اپنے مکان کا دروازہ توڑتے ہوئے اندر داخل ہو کر یہ چوری کی ۔ پڑوسیوں کے سی سی ٹی وی کیمرے کے فوٹیج کی بنیاد پر اس کو گرفتار کیا گیا۔ اس سے تفتیش پر شیوا نے بتایا کہ شخصی اخراجات کی تکمیل کے لئے اس نے یہ واردات انجام دی۔ اس نے کہا کہ بیوی کو اسکول چھوڑنے کے بعد اس نے زیورات کی چوری کی تھی اس واردات میں ایک اور  تعجب کی بات یہ ہے چوری کی شکایت درج کروانے کے لئے شیوا بھی اپنی بیوی کے ساتھ پولیس اسٹیشن گیا تھا