شوپیاں میں دو جنگجو معاونین گرفتار، قابل اعتراض مواد بر آمد:پولیس

سری نگر، 11 مئی (یو این آئی) جموں وکشمیر پولیس نے جنوبی کشمیر کے ضلع شوپیاں میں ایک ناکے پر دو جنگجو معاونین کو گرفتار کرکے ان کی تحویل سے قابل اعتراض مواد بر آمد کرنے کا دعویٰ کیا ہے۔ پولیس نے اس سلسلے میں پولیس اسٹیشن ہیر پورہ میں متعلقہ دفعات کے تحت ایک کیس درج کر کے مزید تحقیقات شروع کی ہیں۔



یہ جانکاری شوپیاں پولیس نے ہفتے کو ایکس پر ایک پوسٹ کے ذریعے فراہم کی۔ پوسٹ میں کہا گیا : 'شوپیاں پولیس ، فوج کی 44 آر آر اور سی آر پی ایف کی 14 بٹالین کی ایک مشتر کہ ٹیم نے ملک چک کراسنگ پر ناکہ چیکنگ کے دوران دو دہشت گرد معاونین کو گرفتار کیا ۔ انہوں نے کہا کہ گرفتار شدگان کی تحویل سے قابل اعتراض مواد برآمد کیا گیا۔