دم گھٹنے سے تین افراد ہلاک

جالنا، 15 نومبر:- مہاراشٹر میں ضلع جالنا کے دھنساوانگی تعلقہ کے دائی تانہ گاؤں میں کل ایک کنویں میں ڈیزل پمپ کی مرمت کرنے کے لئے اترے باپ، بیٹا اور ایک دیگر شخص کی دم گھٹ جانے سے موت ہوگئی۔

پولیس کے ذرائع نے آج بتایا کہ یہ حادثہ اس وقت ہوا جب یہ لوگ ایک گہرے کنویں میں لگے



ڈیزل پمپ کی مرمت کرنے کے لئےاترے اور جیسے ہی انہوں نے پمپ کے انجن کو سٹارٹ کیا تو اس سے نکلنے والے زبردست دھوئیں کی زد میں آجانے سے تینوں افراد کی دم گھٹنے سے موقع پر ہی موت ہو گئی۔

ان کی شناخت بابا صاحب وابھالے(45)، بیٹا رامیشور (25) اورارجن دھانڈے (32) کے طور پر کی گئی ہے۔