مغربی گوداوری کے نیشنل ہائی وے 16 پر خوفناک حادثہ میں تین حیدرآبادی ہلاک

حیدرآباد، 2 جنوری (ذرائع) مغربی گوداوری ضلع کے دیوراپلی منڈل میں بندہ پورم گاؤں کے قریب منگل کی دوپہر قومی شاہراہ 16 پر حادثہ پیش آیا جس میں دو کاروں کے ٹکرانے سے تقریباً 17 ماہ کے ایک بچے سمیت تین افراد کی موت ہوگئی اور سات دیگر شدید زخمی ہوگئے۔ پولیس نے بتایا کہ حادثے میں مرنے والے حیدرآباد کے رہنے والے تھے اور وشاکھاپٹنم میں نئے سال کا جشن منانے کے بعد گھر لوٹ رہے تھے۔

متاثرین ایک کار میں وشاکھاپٹنم سے حیدرآباد جا رہے تھے اور دوسری



کار ارٹیگا وجئے واڑہ سے راجمندری کی طرف مخالف سمت میں جا رہی تھی۔

رپورٹس میں کہا گیا ہے کہ ایرٹیگا گاڑی کا ایک ٹائر پھٹ گیا اور کار سڑک کے ڈیوائیڈر سے چھلانگ لگاتے ہوئے مخالف سمیت والی سڑک پر چلی گئی اور حیدرآباد جانے والی دوسری کار سے ٹکرا گئی۔

دو افراد دیویا پریا (25) اور راما دیوی (50) کی موقع پر ہی موت ہوگئی اور ایک 17 ماہ  کے ایک شیر خوار کی موت دیوراپلی کے مقامی ہاسپٹل میں علاج کے دوران ہوئی۔

دونوں کاروں میں سات افراد شدید زخمی ہو گئے۔