غیر ملکی سیاحوں کو لوٹنے والی خاتون گرفتار

جے پور 24 اگست :- راجستھان پولیس نے جودھپور میں غیر ملکی سیاحوں کے ساتھ سیلفی كھینچوانے کے بہانے ان کا پرس لوٹنے والی خاتون کو گرفتار کیا ہے۔

منڈور تھانہ انچارج مکتا پاریکھ نے بتایا کہ ہسپانوی سیاح فرانسسکو زیویر اپنی بیوی اور بیٹے کے ساتھ



گزشتہ پیر کو منڈور گھومنے آئے تھے وہاں باغ میں ایک لڑکی نے ان کے ساتھ سیلفی کھینچوانے کے دوران ان کی جیب سے پرس چرا لیا اور وہاں سے فرار ہو گئی۔

اس کے پرس میں 740 یورو (ہندستانی کرنسی میں 55 ہزار روپے)، پاسپورٹ اور دیگر دستاویزات موجود تھے۔