ٹی آر ایس رکن اسمبلی کے بیٹے کی شیطانی خواہش نے ایک خاندان کے چار ارکان کی جان لے لی

کتہ گوڈم _ تلنگانہ میں حکمران جماعت ٹی آرایس کے رکن اسمبلی کتہ گوڈم وناما وینکٹیشور راو کے بیٹے واناما رگھویندر راو کی شیطانی خواہش سے ایک شخص اپنی بیوی اور دو کمسن لڑکیوں کے ساتھ خودکشی کرلی ۔خودکشی کا یہ واقعہ کتہ گوڈم ضلع کے پالونچہ میں دو دن قبل پیش آیا۔لیکن آج خودکشی کرلینے والے شخص کا ویڈیو میڈیا اور سوشل میڈیا پر وائرل ہوگیا۔جس میں اس شخص نے رکن اسمبلی کے بیٹے رگھویندر راو کی شیطانی حرکتوں کا پردہ فاش کردیا۔

دو دن قبل پالونچہ میں ناگا رام کرشنا  نے گیس سلنڈر کی گیس لیک کرکے ارکان خاندان پر پٹرول چھڑک کر خودکشی کرلی تھی رام کرشنا نے خودکشی کرنے سے پہلے ایک سیلفی ویڈیو بنائی۔ اس میں وہ حالات بیان کیے گئے ہیں جس  کی وجہ سے اس نے خودکشی کا فیصلہ کیا ۔ ویڈیو میں رام کرشنا نے ایم ایل اے وناما وینکٹیشور راؤ کے بیٹے وناما راگھویندر راؤ پر سنگین الزامات لگائے۔

رام کرشنا نے ویڈیو میں کہا کہ رگھویندر راو کی وجہ سے کئی



خاندان تباہ ہو چکے ہیں۔ ایسے بدمعاشوں کو سیاسی طور پر پروان چڑھنے نہ دیں۔  رام کرشنا نے کہا کہ اس کے والد کی جائیداد سے اسے محروم کردیا گیا ہے وہ اس مسئلہ کو لے کر رکن اسمبلی کے بیٹے رگھویندر راو سے رجوع ہوا تھا لیکن رگھویندر راو نے اس مسئلہ کو حل کرنے کے لئے رقم طلب کرنے کے بجائے اس کی بیوی کو حیدرآباد لانے کی شیطانی خواہش ظاہر کی۔بیوی کو اس کے پاس بھیجنے پر ہی وہ مسئلہ کو حل کرنے پر بضد تھا

رگھویندر راو اپنی خواہش کو پورا کرنے کے لئے مجھ پر دباؤ ڈال رہا تھا جس سے تنگ آکر میں نے اجتماعی خودکشی کا فیصلہ کیا ہے

پیر کی صبح ناگا رام کرشنا نے اپنی بیوی سری لکشمی، دو بچوں ساہتیہ اور سبیتا پر پٹرول چھڑک کر خود کو آگ لگا لی۔ اس واقعہ میں تین افراد موقع پر ہی زندہ جل گئے۔ایک اور بیٹی ساہتیہ شدید زخمی ہوگئی۔ یہ بھی   اسپتال میں علاج کے دوران فوت ہوگئی۔ پولیس نے اس واقعہ میں وناما راگھوا کے خلاف پہلے ہی مقدمہ درج کر لیا ہے۔