سلمان خان پر حملے کی دوسری کوشش بھی نا کام، چار ملزمان گرفتار

ممبئی: بالی ووڈ اداکار سلمان خان کے باندرہ میں واقع رہائش گاہ پر ایک ماہ سے زائد عرصہ قبل فائرنگ کے بعد نئی ممبئی پولیس نے یکم جون کو کہا کہ اداکار سلمان خان پر پنویل میں واقع ان کے فارم ہاؤس پر حملہ کرنے کی ایک اور کوشش کی گئی تھی۔ اسی سلسلے میں پولیس نے حال ہی میں چار ملزمان کو گرفتار کیا ہے۔

پولیس کو اس معاملے میں گینگسٹر لارنس بشنوئی کے ملوث ہونے کا شبہ ہے۔ اب تک پولیس نے چار لوگوں کو



گرفتار کیا ہے جن کی شناخت دھننجے تاپی سنگھ عرف اجے کشیپ، گورو بھاٹیہ عرف نہوی، وسیم چکنا اور رضوان خان کے طور پر کی گئی ہے جن کا سلمان خان پر حملے کی منصوبہ بندی میں لارنس بشنوئی کے گینگ سے وابستہ ہونے کا شبہ ہے۔ سلمان خان کے 1998 میں راجستھان میں کالے ہرن کو مارنے کے واقعے کے بعد سے بشنوئی کے گینگ کا نشانہ بنے ہوئے ہیں اور انہیں مسلسل دھمکیاں دی جارہی ہیں۔ مہاراشٹرا حکومت نے سلمان خان کی مکمل حفاظت کرنے کے احکامات جاری کئے ہیں اور پولیس بھی انکی حفاظت کو لیکر 24 گھنٹے متحرک ہے۔